NGAI HTE ROMANIA MAHKRUM MADUP

Daw 1

N’htoi gaw 30 May 2010,

      A Ten yu dat yang,manap daw hkying (8 am) de madi nga sai. kahtet la ai Malaysia a Jan Shingkang gaw n’gun la shajang let shani tup kang kahtet na matu le pru hpang wa nu ai, n’sa kya kya manap daw a Jan n’sam mung  ngai nga ai gawk hkuwat  kawn lai di bang wa n’na nye a gawk ting hta htoi san taw nga lu ai.

      Ung Ang let n’san hkraw ai myit ni hpe shamat kau lu hkra, hkaq shin la nhtawm, nta n’pu na Gala (India) hpalap seng de manap lusha sha na matu yuq wa n’na hpalap gawm mi ( tea tarit) hte ( megoren mama) hkawk soi gangau hpe htet let Romania mungdan a lam myit nga yang, luqsha sa jahkrat ya ai gala lar a n’sen majaw myit nga ai lam ni hpe bai dawm la n’htawm,lawan ladan sha n’na, lu ngut sha ngut ai hpang tsaw ra jan a matu mung htuk makai la let gawk de bai n’htang lung wa ni ai…. Gawk de du ai hte hkying bai chyan  mada dat yu yang( 9 am) de madi taw sai hpe mu hkrup ai majaw hkying mung htum lawan la ai zawn nga hkam sha nga ai, hkum gawng li nga ai tsaw ra jan hpe mada let shawng lam a matu myit yu dat ai shaloi, hpa mung asan sha n’mu mada lu ai majaw alawan sha  myit ai lam ni jahkring kau n’na, zing ra,bang ra ai a’rai ni hpe tsaw ra jan hte rau zing mazawng hpang wa saga ai.

      Hkying 11:30 am ram hta gaw shajin ra ai arung arai ni yawng tsepzi shajin ngut n’na Romania de du yang hpa galaw sha na kun?ngu ai ga san hpe tsaw ra jan  hte rau man hkrum rai bawng ban nga yang, ang sha a, tsaw ra jan a lauban num wa mi phone shaga wa n’na  "nan lahkawng Romania de nsa yang nan nmai sai kun? Romania sa na malai gaw Myenmung she wa mat mu" nga n’na kalang bai kahtap shadum wa ai. Dai hpang rai tim tsaw ra jan hte ngai gaw Kadai hpami tsun tsun daw dan ngut sai lam re majaw sa na matu daw dan da ai lam hpe kalang bai shangang shakang la n’htawm ahkyu hpyi ai hte shawng lam mahkra a matu Karai Kasang hta ap let myit hpe e shajin da saga ai. Dai yang e manang nkau mi shakram ga tsun na matu sa wa ma ai, hkying hkum 2 dang manang ni hte rau dung jahta let ten ni hpe shalai, n’san hkraw ai myit ni hpe mung loi li jasan jahkoi la n’na mau dung nga yang Malaysia a kahtet la ai jan shingkang gaw sinna maga hku gawk chyinghka man shawng kawn lai di shang wa let UN rung de sa wa na ten ni sai lam shadum  dat ya ni ai…..

ka mara ai

Pyilan Brang