Internet Company kaba langai rai nga ai Google gaw kade n’na sai ladaw ten ni hta mu lu na rai nga ai Project Glass ngu mying jaw da ai myi-set hpaji ladat n’nan langai hpe shaw madun dan dat sai hku re. jailang ai wa gaw Internet hte matut mahkai da ai prat lai hkrang myi-set n’nan myu mi hpe bat ndai laman New York mare kaba hta shaw madun dat ai re.
Dai Myi-Set hpe set shakap da ai masha wa gaw,lam hkawm let Internet n’tsa hta Chatting ga shaga lu ai hte Lam matsun ni, tinang sa na rai nga ai Ga n’pu wanleng daru hpaw/pat ai du hkra chye lu na rai nga ai. Dai myi set hte sha, sumla ni mai dem gayet la ai zawn, ni nawn ai shara hkan manaw manang ni nga n’nga mung hkan tam ya na rai nga ai.
Coffee lu mayu ai nga yang mung, ni dik ai shara hta na seng hpe madun ya lu ai. Raitimung dai myi set n’nan gaw chyam dinglik maram yu ai madang sha naw rai nga ai majaw, seng hkan e gaw rai nmai mari lang shi ai nga n’na Google tsun ai. N’dai Myi Set hpe gara shara kaga ni hkan naw mai lang na hpe masha a hpaji jaw ai lam ni mung ra ai nga n’na tsun ai.
Dai zawn sha masha hkum shagu a awm dawm ahkang hpe hkra machyi chye ai daw ni nga n’nga, zai ladat hkung hkyang sai ni a ningmu hte power myi set shakap taw ai ni a matu ndai myi set n’nan hpe gara hku jailang mai na ni hpe mung myit shalawm mat na la Google Company gaw tsun ai.
VOA shiga kawn htuk manu ai hku ka gale da ai.
No comments:
Post a Comment